由「太陽報愛心基金」及「保良局扶弱基金」合辦的《心之書》贈書計劃，昨日在保良局總部舉行，「太陽報愛心基金」總幹事鄧國雄、保良局主席何志豪及總理陳細潔均有出席，港姐何傲兒與歌星陳柏宇則擔任嘉賓，與現場逾200位品學兼優的學生分享讀書心得。

年紀輕輕已踏入娛樂圈的何傲兒，在台上感慨地說：「書到用時方恨少，大家要好好珍惜，過程可能有困難，但只要有毅力就會捱過去。今日一定比尋日更好，大家一齊向目標進發！」說時更激動哽咽，良久未能繼續說話。

陳柏宇爆露底瘀事

陳柏宇見狀即開腔解圍，他自爆並非讀書材料，反而運動方面表現較佳，身為羽毛球校隊成員的他更自爆瘀事：「有一排好興啪鈕褲，入面就着短褲，打波一拉開就落得場，點知有次唔記得打底，結果一除就得番條三角底褲，真係瘀到爆，最後梗係即刻着番條長褲啦！」

另外，對於徐淑敏雙喜臨門，何傲兒表示十分意外，但不會效法：「我得20歲，等25至35歲先結啦！依家想學多啲嘢增值吓，好似唱歌、跳舞同演戲，話唔定有不時之需。」