失言馬賽自嘲似舊飯

出爐飛躍電視女藝員馬賽,前晚與Fans在電視城外慶祝後,昨日偕「咪神」高海寧出席活動。對於得獎後自詡網上第一而遭網友抨擊,她承認「講錯嘢」,並說:「我本身係一舊飯,依家係壽司,仲未有刺身,要Keep住努力,令自己受得起呢個獎!」問到會否買禮物獎勵自己,她說:「鋼琴!細細個有練,最近又學番。(安慰高海寧?)唔使啦!佢好樂觀,我哋有互相鼓勵。」至於輸家高海寧則大讚馬賽值得攞獎:「佢好努力,拍咗好多劇。(你呢?)終於有份拍《天梯》,嚟緊仲有其他劇,希望出年再飛躍啦!」

輸家高海寧(右)大方讚馬賽實至名歸。

「飛躍」成功的馬賽,獲Fans拉Banner支持。