孫慧雪一向對Handmade飾物情有獨鍾,經常把握拍劇空檔密密DIY,諗頭多多的她更從卡通片取得靈感,將乾花製成獨一無二的首飾:「朋友知道我好鍾意整嘢,成日都會叫我幫手諗吓整啲咩飾物,咁我本身好鍾意睇《美女與野獸》,王子為咗保護朵玫瑰花,就用個玻璃罩罩住佢,啟發咗我將屋企啲乾花整成戒指。」

孫慧雪近日榮升老闆,出售自家製的DIY飾物。

原本只打算與朋友開心Share作品的孫慧雪,意外獲得網友欣賞,近日更榮升老闆出售自家飾物!惟她笑言享受過程多於賺錢:「我冇當佢係生意去睇,純粹當係一件自己鍾意做嘅事。因為買花、曬花到整飾物都係自己一手包辦,所以每次有人讚好靚,都好有成功感。我希望透過呢啲乾花首飾,與人分享幸福嘅感覺。」