張智霖(Chilam)前晚於澳門威尼斯人舉行個唱,請來鄭欣宜擔任嘉賓。Chilam全晚不斷放笑彈,當唱到舊歌《逗我開心吧》時,笑言發現有兩部荷里活電影抄橋,誓要追討版權費。此外,他又與性感舞蹈員大跳辣身舞,更赤膊晒肌示人。

張智霖

晒麒麟臂的Chilam大放笑彈,又請來「重量級嘉賓」欣宜合唱。

老婆袁詠儀因在北京拍戲未能捧場,但Chilam不斷在台上發表「冧妻宣言」:「我記得有句對白『一生一定會遇到個唔正常嘅另一半』,我就唔認同呢句說話,我遇到個正常嘅,仲同佢一齊咗十幾廿年添,可能我先係嗰個唔正常嘅另一半。」他又將老婆仰慕韓國男神李敏鎬一事開玩笑:「得唔到嘅愛情永遠係最囉囉攣,呢種感覺就好似袁詠儀見到李敏鎬咁,嗰種感覺就可以用以下呢首歌形容──《死去活來》。」

演唱會尾聲,Chilam因被歌迷的熱情感動,兩度哭成淚人,場面感人!