組合Twins及吳浩康(Deep)昨日出席《皇家馬德里基金會訓練營(香港)2015》,蔡卓妍(阿Sa)表示小時候經常在暑假報名參加街坊福利會舉辦的宿營,但鍾欣潼(阿嬌)只參加過一次學校舉辦的游水訓練營。而平日有睇波的阿Sa自爆有留意C朗和占士洛迪古斯,並大讚他們靚仔。問到可希望親身到西班牙觀看球賽?她說:「想呀!我之前都冇去過,都想去皇馬球場感受一下!」問到阿嬌是否鍾情於會運動的男生?她說:「會加分嘅,之前啲男朋友通常都會運動!」

阿Sa(右)和阿嬌異口同聲話鍾意運動男,果然係好姊妹!

吳浩康為前女友鍾舒漫澄清,似乎關係仲藕斷絲連。

吳浩康爭取復合

另外,Deep上月在長洲舉行生日派對,舊愛鍾舒漫亦有到場,Deep表示彼此關係良好,又為對方澄清:「我要同佢講番句公道說話,雜誌講佢發脾氣早走咗,佢哋鍾意點講唔理喇,總之我好多謝佢!」他又表示復合的決定權在對方身上,但他會用最大的努力去爭取。問到最近有否見面?Deep說:「呢啲唔多講喇!」