出局港姐「牛雜妹」李美琪(Monnie)與前亞姐筱靖前晚現身旺角睇電影首映,Monnie稱未扑錘簽經理人公司:「仲傾緊,暫時家姐同朋友幫住我先,有消息會話畀大家知。(有興趣參加亞視全球主持招募?)冇諗,想專注番傾緊嘅公司先。(有公司高價簽你?)我未去到呢種魅力,依家係學習階段,合作會以雙方都有好處做考慮。」

筱靖專心搞生意,暫不打算返亞視做主持。

牛雜妹穿短身上衣露臍現身,係幾有星味噃!

筱靖亦不打算參加亞視全球主持招募,她說:「有舊同事搵過我,但我想做番做緊嘅(咖啡)生意多啲,等佢哋搞資訊節目再考慮係咪返去。(睇耐啲,有信心至返去?)其實呢個新投資者好有心,就算電視台將會冇牌都有興趣做。」