二千有找! 國產「平」板 一樣有市

大廠出品的平板電腦質素較有保證,但部部都賣三、四千元,好多人都未必捨得入手。相反,國產Tablet在性能和用料上都愈來愈穩定,最重要係千幾蚊就有交易,難怪腦場內的銷情會咁理想。今次為大家介紹嘅5部國產Android平板電腦,就全部清一色$2,000有找,真係抵過買部電話!

雙核極速體驗

不要以為國產機價錢平一大截就會將貨就價,這兩部新出Tablet已配備了現時大熱的雙核心處理器,開機熄機夠快手,開App睇片亦十分流暢。

NTab VA9 睇片冇停滯

近期手機界刮起雙核風,部部機都話行雙核心,國產機亦唔執輸。新推出的這款平板NTab VA9,就採用了ARM Cortex A9雙核心處理器,時脈達1GHz,加埋512MB RAM,用來睇高清片都唔會窒吓窒吓。小記實測時,使用預載的播放器已能播放大部分流行的視訊格式,包括1,080p的MP4和720p的RMVB影片,畫面流暢冇停滯,隨意快轉或倒播都一樣咁順。較為特別的是,Wi-Fi型號分別提供了4小時和6小時續航力兩個版本,兩者重量相差約10g,而最高階的3G版本則只有6小時版本。

SPEC

處 理 器 ARM Cortex A9 Dual Core, 1GHz

記 憶 體 512MB RAM、4GB內存

作業系統 Android 2.2

屏  幕 7吋,800×480解像度

鏡  頭 30萬像素(前置)

對外連接 藍芽、802.11b/g/n、mircoSD卡插槽、mini HDMI、mini USB

重  量 370g(4小時續航力版)

380g(6小時續航力版)

售  價:$1,290(4小時續航力Wi-Fi版)、$1,450(6小時續航力Wi-Fi版)、$1,980(6小時續航力Wi-Fi+3G版)(a)

HaiPad A9 Mk IV 藍芽打電話

自從iPad帶起了Wi-Fi版和3G版這分類方式後,好多大廠都紛紛效法。要二選其一,用家有時都幾頭痕,皆因3G版本往往貴一大截,買平少少嘅Wi-Fi版,又擔心要四圍搵Wi-Fi熱點上網。國產品牌海納推出的HaiPad A9 Mk IV,同樣使用了ARM Cortex A9雙核心處理器,機能強勁。除了Wi-Fi外,還配置了3G模組,小記插入手機SIM卡作測試,3G訊號接收得幾好,上網睇片和到Andriod Market下載Apps都幾快手,如果你有藍芽耳機,仲可以打埋電話。不過最意想不到嘅係$1,980就能買到3G版,超抵玩。

SPEC

處 理 器 ARM Cortex A9 Dual Core,1GHz

記 憶 體 512MB RAM、4GB內存

作業系統 Android 2.2

屏  幕 7吋,800×480解像度

鏡  頭 30萬像素(前置)

對外連接 Wi-Fi 802.11b/g/n、3G(EVDO/WCDMA)、藍芽、mini HDMI、mini USB、mircoSD卡插槽

重  量 368g

售  價:$1,480(Wi-Fi版)、$1,980(Wi-Fi+3G版)(b)

單核經濟抵玩

雖然只採用單核心處理器,但以下介紹嘅幾款Android平板都各具特色,用來睇全高清影片、上網打Flash遊戲,甚至影相玩Skype都一樣掂。

ainol Novo 8 外形破格

出開PMP嘅ainol最近亦踩入Tablet市場,這部Novo 8在設計上不像傳統Android平板,全是實體鍵而且集中在機面旁邊,同時配有一個軌迹球,方便進行更精細的操控,整體設計創新又破格。當然,ainol仍保留品牌主打的睇片功能,支援1,080p高清硬解,其8吋屏幕擁有1,280×768高解像度,睇片自然更舒服。不過大芒嘅代價,就係重量高達512g。

SPEC

作業系統 Android 2.2

處 理 器 ARM Cortex A9

記 憶 體 512MB RAM,8GB內存

顯 示 屏 8吋 LCD、1,280×768解像度

鏡  頭 30萬像素(前置)

對外連接 802.11b/g/n、USB、mircoUSB、miniHDMI、mircoSD(最高支援16GB)

體  積 214×129×15.5mm

重  量 512g

售  價:$1,599(b)

tPad T760 前後雙鏡頭

除採用了稍為舊一點的ARM A8 RK2918處理器外,T760的配置其實相當不俗。運行Android 2.3系統,處理器時脈亦達1.2GHz,播片開App都幾爽快。此外,較少國產平板會加入後置鏡頭,用家不但可以使用前置鏡頭玩視像通訊,其200萬像素後置鏡頭也能滿足到基本的拍照需要。

SPEC

作業系統 Android 2.3

處 理 器 1.2GHz

記 憶 體 512M DDR3 RAM,8GB內存

屏  幕 7吋,1,024×600解像度

鏡  頭 30萬像素(前置)、200萬像素(後置)

對外連接 藍芽3.0、802.11 b/g/n、mini HDMI

體  積 200×125×13mm

重  量 383g

售  價:$1,899(c)

WITS A91開Flash夠爽快

國產Android平板能跑出,除了售價夠平外,行到Flash亦是誘因之一。WITS A91支援Flash Player 10.3,於Android Market免費下載及安裝後,便能順利執行到Facebook上的Flash Game,而且好多港人都有去開的內地知名視頻網站如《土豆》、《優酷》等,也能順暢地載入影片。而且機身只重370g,厚度只有15.1mm,加上紫金色機背,袋出街有型又輕便。

SPEC

作業系統 Android 2.3

處 理 器 ARM Cortex A8,1GHz

記 憶 體 512MB RAM、348MB內存(最高支援32GB mircoSD卡)

屏  幕 7吋電容式,1,024×600解像度

鏡  頭 130萬像素(前置)

對外連接 802.11b/g/n、藍芽、USB2.0×1、miniUSB×1、mircoSD讀卡器

體  積 194×118×15.1mm

重  量 370g

售  價:$1,680(c)

David

黑色機面配白色邊框和機背,感覺清新。

設有四個觸控按鍵,主頁、返回等功能齊備,按下時還有震動回饋。

試播1,080p電影預告片,色彩表現不俗,人物表情、衣服紋理也清晰。

機身底面都係全黑設計,感覺中規中矩。

3G版本的機底設有SIM卡插槽,還有mircoSD讀卡器。

畫面右上角都會顯示出3G接收訊號的強弱。

7粒實體按鍵全部放在機面右側,還有一個軌迹球,外形幾破格。

ainol主攻睇片,當然要內置番個腳架,方便用家。

圓角圓邊設計,黑撞白機身都幾有型。

機背設有200萬像素的後置鏡頭,但卻沒有補光燈。

運行Android 2.3系統,操作更得心應手。

上網睇片時,能以機背的金屬支架撐起機身,唔怕拎到手軟。