話說立法會就嚟休會,唔少議員趁住放暑假會去旅行叉電,旅遊界議員姚思榮話今年因爸爸身體唔好同行動不便,所以暫未有旅行計劃。

姚思榮

姚思榮今年打算留港抖暑,但佢身為業界代表繼續鼓勵大家外遊,舉例話依家日圓匯價跌,日本好抵玩;台灣就勝在夠近,可安排短程旅遊,而內地嘅絲綢之路亦好值得去望吓。對於最近飽受新沙士疫情影響嘅南韓,姚思榮估計南韓之後會推出優惠,吸引旅客兼谷番旺當地旅遊業,另外又推介大家去歐洲旅行觀光同掃名牌貨。姚思榮幾乎將港人旅遊熱門去處都推介一番,為推廣旅遊業真係去得好盡喎。

第一手消息請下載on.cc東網iPhone/iPad/Android/Windows Phone Apps